Hello !
早幾篇網誌咪話本來今次自駕遊 , 想去 "稚內" 果邊D離島 ,
不過因為租車價錢太貴 , 放低兩日唔用有D唔抵既 ...
就係因為租左呢部 "秋名86" . 雖然佢正確名稱叫做 トヨタ86 ,
但係我鍾意叫佢做 "秋名86" , 咁叫親切好多 . ^^
點解租呢部車呢 ? 除左部車有型之外 , 另一個理由就係MT(棍波) .
揸開車既Blog友應該知道 , 棍波車與自動波車 , 根本就係兩回事 .
在第一次自駕遊租Axio完成行程之後 , 跟住心諗 :
如果可以在 "北海道" 揸棍波車黎兜風 , 咁就正咯 . ^^
之後搵Toyota睇下有冇棍波車租 , 包括有個樂字果間Toyota ,
全部都係自動波 , 即使有一欄AT/MT俾人揀 , 都係Click唔入 .
再加上翌年係雪駕遊 , 所以都冇堅持 , 不了了之 .
就近排發現有間叫做 Times Car RENTAL , 表面上可以揀AT/MT車 ,
不過次次揀親都話冇 , 即係得個講字 , 直至見到幫襯開果間Toyota ,
有限定86既MT車出租 , 但係租價實在太貴 , 等同普通車租兩次 .
交戰左好耐 , 貴就貴啦 , 終於落實租佢 , A4紙都印好埋 .
為左多D了解86呢部棍波車 , 我特意參考好幾段短片 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
誰料到尋晚上Toyota租車網 , 發現佢久違了既30%春の大割引又重現 .
講番今次租 86 , 10日9夜既價錢係 119502Yen . (5%折實價)
同 Prius 比較之下 , 貴25000Yen左右 .之但係推出30%優惠之後 ,
相距接近45000Yen , 足足港幣3363.00 , 咁就真係要考慮一下喇 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
考慮包括價錢 , 路線 . 首先講價錢 , 早前買左部 "空氣清新機" ,
再加上月尾要交差餉/地租 , 簡單D講就係駛大左 . =_= !!
(遲D可能仲會買 LEDTV , 冷氣機)
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
而路線方面 , 今次以 "富良野" & "美瑛" 為首 , 速度上已經有所限制 ,
租得86呢款車 , 都預左飛車 , 第二段片台灣果位仁兄話 :
86要踩到6000轉以上先可以發揮其性能 , 否則只係一部普通棍波車 .
再加上有Blog友話果度 (富良野) 經常捉快車 , 真係俾佢嚇親 . XD
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
經過詳細而慎重既考慮之後 , 決定取消86既訂單 ,
改為轉租 Prius , 就係佢喇 ...
唔好噓住 , 其實Prius都好有型 , 不過珠玉在前 ,
先至感覺上差咁一皮唶 , 12萬Yen與7萬幾Yen , 相差實在太大 .
就係咁 ~ 今次既行程相伴既車 , 就係 HV2 既 Prius .
除了租價之外 , 油錢都慳唔小架 , Check 過D資料 ,
86既耗油量絕對比Prius多 , 因為Prius始終都係混能車嘛 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
最後 ~ 如果佢明年又有86MT租 , 相信一定會租番佢 ,
留得青山在 , 那怕冇柴燒 .
度定條沿海飛車路線 , 86 ~ 我會番黎報仇 . haha ...
Bye Bye !
哈,估唔到小姐咁快進化到租跑車。:))
回覆刪除其實最終目的只係想一試棍波車 , 不過既然係跑車 ,
刪除都不妨一試 , 家陣要等明年咯 . XD
你有幾多年無揸過MT?
刪除考完牌離開坐位後就冇再試過 , 大約10年左右 . ^^
刪除@@
刪除或者你今次試mark x?都有特價。
mark X 2500cc , 勁喎 .
刪除不過相比之下 , 貴過Prius14742Yen .
好似都係自動波車 . =_= !!
mark x 內外都elegant過prius, 86。
刪除Mark X 都有分新舊款 , 舊款個Look唔多掂 ,
刪除香港經常見到 , 新款就掂好多 , 不過淨係 Toyota 樂果間 .
係佢先至可以指定 , 又係超貴 .
你講舊款係2009以前?トヨタ好少會出租三四年車囉。
刪除見佢張相都冇改 , 如果係新款 Mark X , 30%呢個價位都可以接受 .
刪除乜仲有人揸棍波 :D
回覆刪除作為忠實讀者,我好有興趣追看小姐點樣係北海道揸MT。
刪除以前都有咁多“虾碌”事件,如果MT,應該會好精采!
t : 以娛樂性而言 , 棍波車好玩好多 , 記得以前學車果陣 ,
刪除乜都有個啊Sir郁住晒 , 想玩野都唔得 .
好似斜路開車唔用手掣 , 拖波減速等等 ...
小姐宜家興呢款 :) 我都流緊口水 :)
刪除http://www.porsche.com/uk/models/911/911-gt3/drive/porsche-doppelkupplung-pdk/
コーさん : 如果真係想睇 , 起碼要等一年 , 今年落實租prius .
刪除經過以前既實戰 , 我諗應該唔會再出現蝦碌事件掛 . ^^
唔係嘛 ? 保時捷 911GT3 , 實在太可怕 . ^_< !!
刪除軚盤上落波年代, 仲推棍仔out左喇
刪除最主要都係想重溫學車時代既Feel .
刪除依家賣得都用+/-波,已經夠玩,好少淨做MT。
刪除又想榅番初戀感覺 ^^
刪除直情係 "初戀無限Touch" 添呀 . haha ...
刪除コーさん : 我覺得淨 MT 仲好玩 . ^^
刪除小姐呢次旅程會唔會唱歌? 送首歌比你先 ^^
刪除https://www.youtube.com/watch?v=bq19LEk_D5s
歌就係咪都唱架啦 , 如果唔係車程好悶 .
刪除恨水流 1976 , 果然歷史悠久 . 幾好聽丫 , 有冇特別念意架 ?
30% off 抵到喊
回覆刪除係呀 ~ 所以咪訂左86都要取消 , 改訂Prius . ^^
刪除BTW, 我早排貪平 book Times (Mazda) 係 45% off, 唔駛揀.
刪除45% ? 簡直係大割引呀 . 完成左行程未架 ?
刪除部車點樣呀 ? OK嗎 ?
未去.
刪除Times 即係 Mazda o者, 新年都租過 Mazda 2.咁緊係 Toyota 好啲啦.
http://rental.timescar.jp/campaign/0000004058/
Times轉手一週年紀念。
刪除哦 ~ Times 呢間即係我話有得揀MT , 不過經常冇車果間囉 .
刪除45%比Toyota更吸引 , 不過我係Toyota Fans , 首選都係佢 .
コーさん : 咁快就一週年 , 恭喜晒 . ^^
刪除原來J少用北海道春季campaign,怪不得揾唔到。
刪除偏偏我要函館租,Sapporo Toyota 30% off 用唔到嘛.
刪除jokelib : 先東京後北海道 , 幾好玩咁喎 ^^
刪除我上年係富良野真係比差人嚮晒警號追上黎,佢地好有禮貌叫我落車上佢部警車,結果知道我係香港人之後就叫我drive safely drive safely 放咗我走。
回覆刪除包括我在內,見好多blog友都係北海道被捉快車。
刪除如果小姐要揸86飛車的話,要小心,或者預多幾萬yen俾speed ticket。XD
有用資料:
刪除超過法定車速的反則金(普通車)
15km未満 9000円
15km以上 20km未満 12000円
20km以上 25km未満 15000円
25km以上 30km未満 18000円
30km以上 50km未満 依簡易裁判決定罰金(通常7~8万円的反則金。超過60km的話,可能會達10万円)。
大部份既Blog友都可以用作客優惠黎甩身 ,
刪除コーさん 有冇例外呀 ?
呢張罰款價單 , 真係嚇親人 . haha ...
今年租Prius , 應該冇事掛 . XD
個人覺得道東嗰邊捉快車機會好少,因為車流唔多,試過响偏僻D嘅地方揸成半粒鐘都唔見一架車,但去到札幌附近車流較多嘅地方機會就會較大,上次我老公就係响支笏湖附近俾人捉快車,好彩都只係口頭警告,一額汗
回覆刪除支笏湖 & 新千歲空港果頭 , 又係一個熱門捉快車地方 .
刪除我諗佢見外國人 , 應該會手下留情 ,
唔係有冇曾經被罰款既Blog友上黎留言呢 ? XD
佢費事捉你返去又唔識得同你溝通, 又要搞一大輪.
刪除其實出發點係為咗交通安全, 唔係為罰人錢 (好似香港要做夠 quota 真係無言).
都係嗰句, 安全第一, 唔好因為放過外國人就乘機犯規.
我睇過台灣背包客棧,有時唔係即場叫停,係射槍後再寄罰單,租車公司用你信用咭過數。
刪除咁就無“作客優惠”啦。
jokelib : 都應該既 , 千祈唔係以外國人身份亂黎 ,
刪除畢竟安全第一命長久 . 收到 !
コーさん : 用鐳射鎗黎捉快車 , 認真陰濕 . =_= !!
刪除我成日都覺得啲速度限制係比單車睇的.
刪除自動車道的話就跟住最快嗰架, 捉都捉佢先.
jokelib : 市區限速50km又真係離譜左D , 跑步都唔止啦 . haha ...
刪除跟大圍黎超速呢招都唔錯 , 不過學 コーさん 話齋 ,
出到鐳射鎗就吹佢唔漲喇 . >_< !!
你推住前面架快車, laser 都射佢先啦, 仲邊有時間射你.
刪除不過 fixed camera 先會後數追你架喎, 邊會 set mobile detector + camera.
jokelib : 咁咪要啄住佢尾先至得 ? 要近成點呀 , 兩尺定三尺 ?
刪除好挑釁唶 , 擺明想同人鍊車 . XD
我老公話個騎驚突然响個倒後鏡出現,都唔知响邊度走出嚟,最初因為太遠睇唔清,後來越嚟越近,佢心諗依架電單車都揸得幾快喎,跟住見到閃燈同聽到響聲先知大件事,即刻收油,但都已經太遲,唯有停車,以為係咁同佢講英文搏佢聽唔明,點知佢竟然講到兩句,叫我哋個speed要slow down,仲問我哋响邊度嚟,一陣會去邊,我懷疑可能見越嚟越多外國人响北海道租車,專登派D識少少英文嘅警察嚟巡邏
刪除突擊出黎捉快車 , 呢樣真係好難防 , 唯有唔好快到離譜之餘 ,
刪除仲要加埋小小運氣 , 大步檻過 , 你睇我唔到 . XD
不過真係咁唔好彩被捉 , 除了講英文真係別無他法 , 日文又唔掂 .
總之唔好超速啦! 自己條命嚟架.
刪除(講係要咁講)
man wai小姐唔係日日揸車,出外都係安分守己,安全駕駛啦。
刪除jokelib & コーさん : 盡量啦 , 始終都唔會太過份既 , 自己執生 . ^^
刪除起初我都係咁諗,跟住人車尾,要捉就一齊捉,但諗深一層,若果抄得前面嗰架,冇理由放過第二架,到時就冇了旅客優惠了!其實超就一定會超,但唔好太過份喇…
回覆刪除咁又係喎 , 反而得一部車仲容易甩身 ,
刪除若然一班人冇理由放佢唔放佢 , 講都講唔通啦 .
唯有自己執生啦 . =_= !!
幫你揾到個教車師父補番一兩堂包你 win ^^
回覆刪除http://www.youtube.com/watch?v=4Rz6IlVRTBo
haha ... 真係黐X線 , 俾佢教車 , 想唔變高手都難 .
刪除起初睇會問 , 點解左軑車 ? 原來係廣州 , 真係笑爆咀 .
睇落好似唔錯喎 , 唔該晒 . ^^
回覆刪除