Hello !
未開始之前 , 唔該先唉3聲 , 唉 ... 唉 ... 唉 ...
繼上次(2012年)錯誤刪除相片之後 , 今次呢程又有慘劇發生 .
之前咪話返黎即刻Download D相在硬碟裡面既 ,
今日Check 番D相 , 咦 ~ 唔多對勁喎 ...
點解由呢度一跳 , 就跳左去果度既 , 中間果D呢 ??
經過思前想後 , 覺得最大機會係在 "旭山動物園" 度 ,
唔見左一張SD咭 , 因為在家裡上載時 , 個心仲諗 :
今次影得3張咭(8GB)咁小 , 即係話遺失果張咭 ,
唔係在家裡唔見 , 而係從來未出現過在家裡 .
~~~~~~~~~~~~~~~~~~~~~~~~~~~~~~~~~~~~~~~~~
記得當日在 "旭山動物園" , 有張咭Full左 ,
之後換過一張新既 , 但係舊果張就完全冇晒印象 ,
好有可能係遺失在動物園河馬館附近 .
~~~~~~~~~~~~~~~~~~~~~~~~~~~~~~~~~~~~~~~~~
唉 ~ 上次遺失幾日行程 , 已經好唔高興 ,
今次成張咭唔見左 , 真係除左喊之外 , 唔知可以做乜 ?
果度起碼接近2000張相 , 由 "登別" 熊牧場中段 ,
一跳就跳到 "旭山動物園" 尾聲 , 中途 大沼 ~ 二世古 ~
札幌等等全部冇晒 , 依家都唔抱有任何希望可以搵番 .
估唔到歷史真係會重演 , 好難過呀 !! >_< !!
Bye Bye !
你張SD係大咭,正路好少會跌係街唔知,你揾哂所有衫袋褲袋背包先。
回覆刪除果日中途在動物園換過咭 , 之後就冇晒印象在其他地方見過 ,
刪除通常返到屋企執行李時 , 乜野會搜得乾乾淨淨 ,
但係從來冇在家裡任何地方出現過 ,
相信在動物園遺失機會最大 , 慘 ~
你會唔會打電話,或寫張FAX去動物園問?
刪除應該唔會喇 , 因為果度地方咁大 , 想搵死人咩 ?
刪除搵到既機會比中六合彩頭獎仲要細 ,
唯有第日再去過既唶 . ^^
我意思係人來人往,好果又係日本人執的話,可能已經交去lost and found,等人認領。
刪除當然如果其他旅客執咗就無咯。
算啦 ~ 咁大海撈針 , 都唔係咁容易 ,
刪除就當自己唔好彩咁啦 .
我又覺得寫幾個字去係非常好既提議噃
刪除係呀,send個FAX好少意思,如果揾到,先再諗點樣俾返你。
刪除都係喎! 既然預咗無, 問吓都無防喎!
刪除既然大家都盛意權權 , 好 ~
刪除聽日一於Fax俾佢試試 , 不過唔好太大期望 .
多謝大家支持 .
唉~
回覆刪除自從試過某年去完北海道返嚟死咭,要拎去黃金搵人救咭之後,我每次長旅程都會帶部netbook做backup~
帶Notebook都冇用 , 今日街上換咭 , 整整下唔知去左邊 ,
刪除實屬不幸 . >_< !!
我每日都做backup,最worse都係唔見1日相,另外而家我又用多左手機影相,即時upload上fb。
刪除每日都Backup ? 果然夠晒心思細密 , 佩服 .
刪除我都讚同這個做法,因為我都係咁做,每晚把當日影完的相過一次,notebook又得,Hard disk又得,兩樣過晒都亦得,那麼張咭就可以重新用過,跟本就唔會有換咭的動作 (以我們唔係咁講究的人士來講,8G已經足夠我們一日的所需) ,就算妳話想多個保障,留返咭內的資料,唔見起來都係一日半日的相,唔會損失得那麼慘重...!! 現在唯有希望有奇跡出現喇...!! 我哋都想睇到妳帶了些什麼回來給我們睇GA MA...!!
刪除奇跡相信唔易發生 , 不過呢招值得一試 ,
刪除下次啦 ~ 一於諗諗佢 .
多謝提供方法 . ^^
吓! 咁大獲!! 真係搵清楚咖啦! 如果真係唔見咗喊都喊唔返啊!
回覆刪除我今次旅程張SD咭成日都話讀唔到, 要熄機再開機, 我都驚最終會搞到啲相無晒, 所以第三日都拿拿聲換過張, 因為旅行影嘅相無咗就係無咗, 唔係話補返就可以補返啊!
哩刻我除咗同你講唯有算啦, 所有哩在腦中之外, 我都唔知應該同你講啲咩啊!
的確係好大鑊 , 但係喊又喊唔返 .
刪除相信都搵得好清楚 , 而且打後我相呢張咭完全冇印象 ,
如果在第二度見過 , 咁都仲可以追尋記憶 ,
依家正如你所講 , 一切在心中 .
真係聞者傷心,聽者流淚,可惜我唔去旭山動物園吖,如何唔係一定幫你問動物園的職員。
回覆刪除天下最難過之事 , 莫過於此 , 不過始終都會捱過 ,
刪除向好果方面諗 , 前段唔算太精彩 ,
尾果部份先至係重中之重 , 勉強叫做不幸中之大幸 .
小姐係係時候裝備自己, 唔買單反都要買部 laptop, 怕重就買部 windows surface, 有 usb port 就可以帶埋外置 hard disk 咁就隱陣
刪除單反就唔會考慮 , Laptop就可以嘗試 ,
刪除如果帶埋佢 , 即拆咭即Upload , 減低好多風險 ,
不過最重要都係自己醒小小 . =_= !!
你成日讚人“心思細密”,你都要學吓喇。
刪除就係自己唔夠 "心思細密" , 所以先至羨慕人地 ,
刪除呢D野我諗係天生掛 , 自己經常粗心大意 ,
唔係都唔會經常發生蝦碌事件 ,
今次呢隻蝦碌真要命 . >_< !!
可嘗試幫妳去問,昰什麼日子到動物園,卡的容量,牌子及大細size呢
回覆刪除多謝支持 , 我諗住聽日寫信Fax俾佢 ,
刪除有又好 , 冇又好 , 叫做做過D野咁啦 .
(有就梗係最好啦) ^_^ !!
http://www.asazoo.com/index.php?Mail
回覆刪除電郵查詢
咦 ~ 原來有電郵架 ? 咁就唔駛Fax咯 ,
刪除咁都俾你搵到 , 唔該晒喎 . ^^
搏一搏咁啦 . ^^
上面website係fan site,唔係official。
刪除また旭山動物園チャンネルは、旭山動物園ファンが作るサイトです。
小姐你都係直接FAX。
official web site:
http://www5.city.asahikawa.hokkaido.jp/asahiyamazoo/
即是我開個blog,叫man wai小姐後援會,咁上下。XD
刪除コーさん : 你知唔知 Fax 應該點打號碼 ?
刪除0166-36-1406 (之前應該打乜野號碼) ??
應該+81 166 36 1406
刪除聽日一於試試 .
刪除其實上面Johnson大大依家係日本,北海道?
刪除咁現場 , 估佢唔到喎 . ^^
刪除所以話我神經質又好,通常喺街度換乜換物,臨走時我都會巡一 round,由菲林機時代開始已經好驚漏菲林。不過有人會覺得我太緊張。
回覆刪除man wai ,希望有好消息揾番張咭。
呢D咪經驗囉 , 今次都唔係第一次 , 試過在 "積丹岬" 果頭 ,
刪除擺低個相機整理背囊D野 , (拎水出黎飲)
走果度忘記拎相機 , 好彩相機駛用率高 ,
行幾步已經發現 , 放在石柱上面 , 否則直情冇相寫Blog添呀 .
多謝你既支持 , 我都想搵得番 , 雖然機會好微 .
咁你今次係咪坐櫈換咭,留在係櫈到?
刪除思前相後 , 相信好大機會係咁 . =_= !!
刪除有時D野吾見左,日後可能慢慢浮番上來希望你早日揾番丫
回覆刪除多謝你既支持 , 不過現實還現實 ,
刪除如果真係要奇跡 , 我寧願中六合彩頭獎 . haha ...
我都想在北海道。
回覆刪除資料祗是在綱上找到而巳。
真係有勞了 . ^^
回覆刪除最好用D有專門FOR放MEMORY CARD位置的相機袋~我D CARD不是16GM就是32GB
回覆刪除(2張16GB~1張32GB)
如果唔見左其中一張真係好重創....
我唔見果張8GB , 不過淨係相片既話 , 都好重創 . >_< !!
刪除