Hello !
今次四國9天自駕遊之旅遊記 ,
由2月尾寫到11月中先至結束 , 幾近9個月時間 , 都咪話唔誇張 .
怪就怪途中既節目太多 , 包括有世界盃賽事 , 劇集延禧攻略 ,
(仲有其他劇集) , 兼且一到英超賽季 , 星期六 & 日都休息 ,
即係話一周只有五篇稿出 , 而我D遊記一向都係有咁長拖咁長 ,
就今次已經寫左125篇 , 如果有網友睇足每一篇既話 ,
真係要頒個忠實支持者獎過佢至得 , 總之就係多謝支持啦 .
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
另外 3J家庭 早日問 : 無聽過你出年嘅大計 , 唔去 ?
呢個問題亦都係呢篇既重點 , 冇錯 ~ 出年真係想停一停 , 抖一抖 .
點解有呢種諗法呢 ? 皆因今個年頭裡 , 日本都發生左好幾單大鑊野 ,
分別有颱風 ~ 地震及暴雨 , 就7月份果陣 , 九州&四國都有暴雨 ,
睇新聞片四國果度咪我年頭去過既地方 ? 如果係當時發生咪大鑊 .
跟住同樣係7月份 , 伊豆果邊有個颱風12號 , 還記得睇新聞片 ,
有間酒店在海邊 , D浪打落塊巨型玻璃度 , 冇耐就大爆裂 ,
海水湧入大廳 , 食緊自助晚餐D人走都走唔切 , 非常狼狽 .
仲有大阪 , 分別經過颱風及地震 , 機場海水倒灌 ,
條橋俾大船撞散一部份 , 依家唔知整番好未 ?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
加上北海道發生地震 , 大幅泥土崩塌 , 土地液化 ...
結論就係日本好似好危險 , 所以先至有停一停呢種諗法 .
如果現階段問我明年出唔出門 , 我會答唔會咯 .
不過世事無絕對 , 話亦不宜說盡 , 或者遲D又想出發都唔定 .
如果有新消息 , 會盡快對外公佈 .
Bye Bye !
咦 ~ 呢篇似近況多過後記喎 . XD
今年日本真係多災多難,我去北海道前撞啱地震都無話唔擔心,好彩去到都無事,不過回程就俾颱風打亂咗少少,最後都如期回歸
回覆刪除唔緊要抖一年後年再出發
去過咁多年日本 , 托賴冇遇到大鑊野 , (包括機場大延遲) 如果臨出門先知道果邊有事發生 ,
刪除就算玩都玩得唔痛快 , 好彩 !
一年好快過 , 到時再玩過 .
犀利寫左126篇,日本今年多天災,回復能力好快,休息一年,改去第二個地方啦
回覆刪除一係就唔去 , 去就一定係日本 , 唔會有第二度架喇 . haha ...
刪除日本回復能力好快 , 呢句我鍾意 . Yeah !!
很欣賞日本人民面對天災仍逆景生活, 小姐要去多D日本, 支持當地旅遊業
回覆刪除支持還支持 , 真係要睇下點 .
刪除我會繼續支持日本, 除咗9月同10月連去兩次日本, 明年二月仲會去北海道。
刪除Maggie, Kaykie : 駛唔駛支持得咁交關呀 ? 真係服得你好緊要呀 . haha ...
刪除嚟緊我都plan咗3個trip去日本,我其實無話支唔支持,而主要係我喜歡
刪除天災我唔擔心,恐襲或政治唔穏定嘅國家我反而會擔心
不過既然你有咁嘅想法就唔好勉強,去旅行最緊要係玩得開心及安心嘛...
3J 家庭 : 又有Blog友黎緊有3次日本行程 , 呢度果然係高手如雲 . haha ...
刪除其實天災並非主因 , 而係玩左咁多年 , 都想借勢調整一下 , 休生養息 , 為日後行程叉叉電 .
休養生息,你唔好當自己七老八十喇...
刪除你仲後生仲有好多時間,當你到咗我依D過咗半百年紀時就知道時間幾咁有限,難聽D身體有咩事就真係邊到都唔駛去
所以我先至去得咁密,除非係唔鍾意旅行
其實去旅行有時真係仲攰返工,但辛苦得嚟開心
用休養生息又好似誇左小小 , 或者用重新整理會好D . ^_^ !!
刪除話晒都去左咁多年旅行 , 其實去旅行有時真係仲攰返工 , 呢句真係啱聽 .
man wai,新年快樂🎈🎉🎊
回覆刪除多謝晒 , 新年快樂 . Yeah !!
刪除你寫咗九個月都叫完成,我寫咗年幾重未埋尾呀!而家完全荒廢咗blog,真係要的起心肝完成埋先得,要好頭好尾呀!😅😅😅
回覆刪除近排我都荒廢左呢度 , 不過係逼於無奈 , 好就快OK返 , 可以重新投入 .
刪除你都的起心肝啦 , 好頭好尾嘛 . haha ...
我退左休之後就好勤力寫blog喇
刪除1733 : 您好 ! 咁你退左休未 ?
刪除舊年6月初已經退左休喇。
刪除哦 ~ 退左休 , 恭喜晒喎 , 恭賀1733兄 榮休之喜 !! Yeah ~
刪除多謝多謝
刪除^_^ !!
刪除一元復始, 萬象更新.
回覆刪除祝小姐身身體健康 :)
多謝多謝 ! 呢個年尾身體的確有D問題 , 不過冇乜大礙 .
刪除新一年祝大家都身體健康 , 龍馬精神 , 搵多D .
小姐咁耐都無乜腥聲,精神嗎?
刪除有心 ~ 精神尚算OK , 只不過由上年尾開始一直流年不利 , 醫院都去了數趟 , 不過請放心 , 並非甚麼大問題 ,
刪除亦都接近痊癒 , 同埋早排電腦壞左 (依家修理好) , 再加上冇寫開網誌 , 拖懶了 , 所以遲遲都冇更新 , 而且今年冇出門 ,
提材唔足夠 , 順勢抖一抖 , 每晚我都有上網誌睇一睇 , 唔係退出唔寫 , 等多陣啦 . ^_^ !!
新年快樂﹗豬年大吉大利﹗
回覆刪除多謝晒 , 祝豬年進步 , 萬事大吉 , 身體健康 , 龍馬精神 , 花開富貴 .
刪除遲左少少 新年快樂 快D又出發呀
回覆刪除唔遲 , 有心唔怕遲嘛 , 今年唔出門咯 , 明年請早 .
刪除另外好彩農曆年間冇去北海道咋 , 睇新聞話札幌零下廿幾度 , 淨係聽到都驚 .
祝豬年進步 , 搵多D .